【感謝】

【感謝】

感謝今天到西灣河會場出席電視錄影的朋友，
今日既會場雖然係我地平時比賽既場地，
但安排我地都承認係非常混亂，
連會場入面冇櫈呢樣野都係我地 set 好擂台先知，
到左比賽既時候又重拍左好多次，
呢兩樣野加埋拖左好多時間，
同埋令大家坐得唔太舒服真係非常之對唔住。

今次我地主要係協助電視台既拍攝，
所以大部份會場內既設定，
同埋時間既安排都唔係我地控制範圍之內，
雖然我地都盡量提供意見令佢地認識摔角比賽，
希望令拍攝過程變得順暢同專業，
但最後都只係有少少既幫助，
對於我地既不足，
再次同大家道歉。

最後，
我地見到有幾位港摔既練習生響選手都準備緊比賽既同時，
一直幫各位既朋友周圍搵櫈坐，
希望各位都可以為呢幾位未來之星拍一拍掌，
真有呢一種心態既後生仔真係，
將來必有可為的！